الطفل

النخالة البيضاء و علاجها

– النخالة البيضاء و علاجها

تعاني الكثير من الأمهات مع أطفالهم من  البقع البيضاء او ما تسمى النخالة البيضاء اللي تطلع عند أطفالهم و يخافون منها بس راح نعطيكم حلول و علاج راح يخفيها مع الوقت و يقضي على النخالة البيضاء

Advertisement

النخالة البيضاء او نخالة البا و هي تختلف عن البهاق بالمسببات و الحواف؛

Advertisement

النخالة البيضاء حالة جلدية بسيطة و غير معدية تصير عادة في الاطفال من عمر ٣-١٦ سنة

و ممكن بالأطفال الرضع او حتى اكبر من ١٨ سنة !
اهم أسباب الإصابة ب النخالة البيضاء :

١- التعرض للشمس بحيث المنطقة المحيطة اللي حوالينها تغمق فتبين المنطقة الفاتحة

٢- حساسية الجلد المزمنة اللي مع مرور الزمن تفتح المنطقة و تصير فاتحة

٣- كثرة الاستحمام و استخدام الصابون العطري اللي بدوره يهيج الجلد و يسبب حساسية الجلد (مثل ما ناقشنا امس!)

٤- بعض الأطباء يسوون تحليل خروج(براز) للتأكد ان مافي طفيليات في الأمعاء اللي من الممكن تكون سبب في ظهورها

٥- في بعض النظريات الطبية تقول نقص فيتامين أ ممكن يعطي نفس الأعراض

عادة مالها أعراض لكن في بعض الأحيان يشتكي الطفل من الحكة( و نرجع لنفس السبب اللي اهو حساسية الجلد!). نلقاها عادة في الوجه و الرقبة و الصدر و اليد

 

من اهم طرق علاج النخالة البيضاء :

١- ضرورة عدم التعرض المباشر لأشعة الشمس مع استخدام المرطب و واقي الشمس.

يفضل ترطيب الجلد في فترة الشتا علشان نجهز البشرة لاستقبال الصيف و جفافه

٢- كثروا من الوجبات الغذائية الصحية الطازجة، مثل السلطة الخضراء اللي فيها جزر

٣- كثروا من أكل الفاكهة

٤- عادة العلاجات الموضعية في صورة مراهم اللي فيها زنك وحمض الساليسيلك المخفف

٥- بعض الأحيان الطبيب ممكن يوصف لك المراهم اللي فيها الكورتيزون بنسبة خفيفة؛

او البدائل مثل كالسينيورين(دايبوفيت)
لازم نحط في بالنا نقطة مهمة :

علاج الطفح مو ضروري أنه يعالج الطفح على طول ممكن يأخذ اشهر الى سنوات علشان ترجع الصبغة طبيعية !

النخالة البيضاء
#طفولة #اطفال #صحة #صحة_الطفل

Advertisement
Rate this post