الطبخ

طريقة عمل بيتزا بالجبن

طريقة عمل بيتزا بالجبن

العجينة و الطعم شيء خيال جربوا بيتزا بالجبن ما اقدر اوصفه لكم سووها ومتأكدة بتعجبكم كلكم

Advertisement

وما راح تندمون بالعكس بتدمنونها ادمااان


المقادير/

Advertisement

كوبين طحين

فنجال قهوة حليب بودر

فنجال قهوة زيت

نص فنجال قهوة سكر

ملعقة خميرة

رشة ملح

كاس ماء دافئ

زيت وسميد “للصينية”
الحشوة/

جبن تشيدر

صوص بيتزا جاهز

ماشروم

فلفل بارد

زيتون اخضر

جبنة موزوربلا
الطريقة/

نخلط جميع المقادير ثم نضيف كوبين طحين وان احتاجت ضيفي نص كوب الين ما تلصق باليد واتركيها تتخمر نص ساعة…

وبعدها نحضر صينية البيتزا وندهنها بزيت ونرش عليها سميد وبعدها نفرد العجينة ويكون الفرد متواسي ونطلع زوائد بالاطراف وبعدين نحشي الاطراف بجبن تشيدر ونغطيها مثل ماهو موضح بالفيديو ونسكرها زين بعدها ندهنها بصوص البيتزا الجاهز ونوزع عليها ماشروم وفلفل بارد وزيتون اخضر ندخلها الفرن على درجة 180Cْ لما تتحمر الاطراف نطلعها ونرش عليها جبنة الموزوريلا وندخلها الفرن ونشغل النار اللي فوق ولما تتشقر نطلعها

وبسس بالعافية ?

Advertisement