طريقة عمل كرات الزعتر بالفرن
كرات الزعتر بالفرن ?
الكرات هذي تقدرين تخبزينها وبعد ماتبرد تفرزنينها ووقت ماتحبين تطلعينها تفك الثلج وتسخنينها شوي بالفرن او المايكرويف لذيذذذه مع الشاي او الكرك ?☕??.
المقادير/كوبين طحين استخدمت (طحين الكويت )
2 ملعقه كبيرة سكر
3 ملاعق كبار حليب بودر
رشه ملح
ملعقه كبيرة ممسوحه خميرة
ملعقتين وسط زعتر
ملعقه صغير ريحان مجفف(اختياري)
ملعقتين صغار حبه سودا
ربع بياله زيت زيتون
مويه دافيه للعجن تقريبا ثلاث ارباع الكوب
الحشوة /
جبنه كيري
وتقدرين تستخدمين اي نوع جبنه عندك
فيتا او مثلثات او شيدر
التغطيه /
زعتر عادي
طريقة عمل كرات الزعتر بالفرن
الطريقة /
نعجن جميع المقادير السابقه لمده ربع ساعه ونترك العجينه تتخمر ساعه تقريبا .. السر بطراوه العجينه انك تعجنينها مده كافيه ??
بعد ماتتخمر العجينه ، نكورها كرات صغيرة وناخذ كل كره ونفردها باليد ونحشيها بالجبنه ونسكرها مضبوط وتالي نقلبها بالزعتر ونصفها بالصينيه وتكون الكرات متباعده عن بعض مقدار 3سم تقريبا .. وانتبهو مكان اغلاق العجينه خلوه تحت عشان بالفرن ماتنفتح الكرات معكم وندخلها للفرن تتحمر من تحت وشوي نحمرها من فوق ..
ونقدمها مع الشاي ? و بالعافيه
